महाबळेश्वर तालुक्यातील भोसे येथे दुबास पेट्रोल पंपावर पीयूसी सेंटरचा शुभारंभ; स्थानिकांसह पर्यटकांची गैरसोय दूर होणार!
भिलार (टीम कृष्णकुंज न्यूज नेटवर्क)
महाबळेश्वर तालुक्यातील भोसे येथील दुबास पेट्रोल पंप याठिकाणी आज पीयूसी सेंटरचे (प्रदूषण नियंत्रण केंद्र) उद्घाटन मोठ्या उत्साहात पार पडले. या पीयूसी सेंटरमुळे आता या परिसरातील नागरिक आणि महाबळेश्वर-पाचगणीला भेट देणाऱ्या पर्यटकांची वाहनांच्या पीयूसी प्रमाणपत्रासाठी होणारी मोठी अडचण दूर होणार आहे.
प्रमुख मान्यवरांची उपस्थिती
या उद्घाटन सोहळ्याला दुबास पेट्रोल पंपाचे मालक दुबास बाबा, साजन सर , नूतन पीयूसी सेंटरचे मालक प्रफुल कुंभार हे प्रमुख पाहुणे म्हणून उपस्थित होते.
यावेळी पाचगणी टॅक्सी युनियनचे अध्यक्ष, सुनिल पार्टे,उपाध्यक्ष सुनील बगाडे, मोरेश्वर कासुर्डे, उदयसिंह जाधव आणि मनोज कळंबे यांसह परिसरातील अनेक मान्यवर नागरिक उपस्थित होते.
कार्यक्रमा दरम्यान, दुबास पेट्रोल पंपाचे मालक दुबास बाबा यांनी पीयूसी सेंटरच्या आवश्यकतेवर प्रकाश टाकला. ते म्हणाले,
”या परिसरातील नागरिक आणि महाबळेश्वर तसेच पाचगणीला येणाऱ्या पर्यटक यांना पीयूसी प्रमाणपत्रासाठी दूर जावे लागत होते. या नवीन सेंटरमुळे त्यांची ही गैरसोय दूर होणार असून, या परिसरातील सर्वांसाठी ही एक अत्यंत महत्त्वाची सेवा उपलब्ध झाली आहे.”
पीयूसी सेंटरचे मालक कुंभार यांनी यावेळी बोलताना सांगितले की, नागरिकांना त्वरित आणि अचूक सेवा देण्यावर या सेंटरमध्ये विशेष भर दिला जाईल.
या सेंटरच्या उद्घाटनामुळे आता भोसे आणि आजूबाजूच्या भागातील वाहनधारकांना वेळेत पीयूसी प्रमाणपत्र मिळवणे सोयीचे झाले आहे.
